Garth Glamping

Mae Garth Glamping yn safle glampio a gwersylla teuluol, oddi ar y grid, wedi'i leoli yn y bryniau yn ne Rhondda Cynon Taf.

Roedd ar un adeg yn fferm fynydd draddodiadol, mae bellach yn ddihangfa heddychlon lle gall gwesteion ymlacio, ailgysylltu â byd natur, a mwynhau bywyd arafach – a hynny i gyd o fewn cyrraedd y ddinas.

Rydyn ni'n cynnig amrywiaeth mawr o fathau o wyliau - mae rhywbeth at ddant pawb.

Mae Garth Glamping mor agos at natur, teithiau cerdded a golygfeydd godidog, pysgota afon a nofio gwyllt ag ydyw at atyniadau ac anturiaethau.

Rydyn ni'n cynnig pebyll sy'n croesawu cŵn, lleiniau gwersylla a lleoedd i gartrefi modur gyda chyfleusterau oddi ar y grid, pyllau tân a golygfeydd cefn gwlad agored godidog.

YN DOD YN FUAN – pebyll moethus gyda thwbâu twym ac ystafelloedd ymolchi preifat.

Mae'r meysydd glampio a gwersylla wedi’u lleoli mewn sawl cae wrth droed Mynydd y Garth – a ysbrydolodd ffilm Hugh Grant “The Englishman Who Went Up A Hill But Came Down A Mountain”!

Mae digon o le i'r plant grwydro ac i'r cŵn redeg o gwmpas.

Mae cyfleusterau defnyddiol ar y safle yn y lleoliad tawel yma ar lan y dŵr yn cynnwys bloc toiledau modern, glân a chawod o fewn pellter cerdded byr i'r lleiniau, a gorsaf dŵr potel ar gyfer ail-lenwi'ch fflasgiau a'ch oeryddion.

Byddwch chi hefyd yn gallu defnyddio oergell/rhewgell, hob, tegell a barbeciw nwy yn ardal y gegin a rennir, lle mae set lawn o lestri, cyllyll a ffyrc, potiau a sosbenni a nwyddau golchi llestri – popeth sydd ei angen arnoch chi i goginio swper syml neu danio'r barbeciw ar gyfer gwledd yn yr awyr agored.

Pan fyddwch chi'n barod i grwydro, dilynwch arwyddion llwybrau yn y coetir neu crwydrwch lonydd gwledig tawel yn y tir ffarmio cyfagos. Mae modd llogi beiciau yn lleol os ydych chi eisiau anturiaethau ar ddwy olwyn, ond pan fyddai'n well gennych chi ymlacio mewn cadair gyda gwydraid o seidr crefft lleol a gwrando am y tylluanod brych, wel, mae hynny'n iawn hefyd.